Sida ay dacwad oogayaasha ay sheegeen falkaan dilka oo ka dhacay degmadda Dharkiinleey Labaatankii Bishii July ee 2024 ayaa waxaa gacan kudhiiglaha ku cadaatay inuu dilkaasi uu si bareer ah u geeystay.
Sababta Dilka ayaa aheyd muran sababay gacan ka hadal, kana dhashay Boosaneer ku yaallay wado luuq ah oo la maro, halkaasi oo uu deganaa marxuumka, eedeysanahana uu ku mari jiray Moto Fekon.
Waxaa in muddo ah socotay dooda iyo baaritaanka kiiskaan, waxaana Baaris dheer kadib Xafiiska Xeer Ilaalinta Ciidamada Qalabka sida, ayaa codsaday qaadista kiiskaan, waana laga ogolaaday.
Fadhiyo kala duwan ka dib Garsoorka Maxkamadda Darajada 1-aad ee Ciidamada Qalabka sida oo waqti ku filan siiyey dhinacyadda dacwadda ayaa ugu dambeyn ku xukuntay Ex NISA Cumar Xasan Maxamuud (Baxsad) dil toogasho oo ah qisaasta Ex- Labo Xidigle Hanad Axmed Muuse, Sida uu warbaahinta u sheegay G/dhexe Muxumad Maxamed Cumar oo ka tirsan garsoorka Maxkamadda Ciidamadda Qalabka Sida.
