Sida aan kasoo xiganay warbixin lagu daabcay Crisis group, Maalgelin la’aanta howlgalka AUSSOM ayaa durba saameyn taban ku yeelatay howlgalka AUSSOM, iyadoo sidoo kale ka caraysiisay dalalka ciidamadooda ka joogaan Soomaaliya.
Golaha Ammaanka ayaa doraad ku guuldareystay inuu ansixiyo qaraar u ogolaanaya in ilaa 75% kharashaadka AUSSOM laga bixiyo miisaaniyadda Qaramada Midoobay, kaddib markii Mareykanka uu si cad uga hor yimid maalgelintaas.
Iyadoo Mareykanka uu ka caga jiidayo taageerada, Midowga Afrika iyo saaxiibadiisa ayaan weli soo bandhigin xalal dhaqaale oo wax ku ool ah oo ka baxsan Qaraarka 2719.
Mas’uuliyiinta Midowga Afrika ayaa dadaal ugu jira in ay qabtaan shir ballanqaad dhaqaale ah oo lagu qaban doono Doha ama London si loo xoojiyo miisaaniyadda hawlgalkan, loogana hortago in Soomaaliya mar kale u nuglaato kooxaha xagjirka ah.
