Ciidamada Macawiisleeyda ayaa la sheegay in weerarka ay ku dileen xubnahii Al-shabaab, islamarkaana kasoo furteen qoryahii ay wateen.
War kooban oo kasoo baxay dowladda Fedaraalka ayaa lagu sheegay in howlgalka ka dhacay aaga Laba garas uu ahaa mid u dhacay sidii loo qorsheeyay, islamarkaana faahfaahinta khasaaraha weerarkaas dib laga soo gudbin doono.
Ma ahan markii ugu horeysay oo ay ciidamada difaaca deegaanka sidaan oo kale weerar dhabagal ah ku sameeyaan xubno ka tirsan kooxda Al-shabaab, waxaana xusid mudan in weerarada noocaan oo kale ah horay loogu yaqiinay kooxda oo weeraro jidgal ku sameyn jirtay ciidanka xoogga dalka marka ay ku socdaalayay wadooyinka qaar ka mid ah gobolada dalka.
Howlgalkaan aanan wali dowladdu si rasmi ah u xaqiijin tirada weerarka jidgalka ah looga dilay Al-shabaab ayaa kusoo aadaya, iyadoo deegaano badan oo ka torsan gobolka Shabeellaha dhexe ay ka socdaan howlgalo ka dhan ah kooxda Al-shabaab.
