Fadhiga Golaha Shacabka ayaa si rasmi ah furmi lahaa ugu yaraan iney soo xaadiraan 139 Xildhibaan kulankaan baaqashadiisa ayaana kusoo aadeysa, iyadoo Xildhibaanada uga soo laabteen fasaxii maalmaha dabaal dega Ciida Carafo.
Kulanka Golaha Shacabka ayaa maanta lagu waday iney ku gudagalaan hawlahooda dastuuriga ah ee lagu hagayo maamulka iyo xeer dejinta dalka, waxaana xusid mudan in Goluhu ay horyaalaan ajandayaal muhiim ah oo ay ka mid yihiin, dhaarinta laba xildhibaan oo cusub, codanyta axdiga Africa ee xuquuqda iyo baraaraha caruuurta iyo ajandayaal kale.
Gudoomiye ku xigeenka labaad ee golaha shacabka Cabdullaahi Abshirow ayaa ugu baaqay xildhibaanada Golaha Shacabka iney soo xaadiraan fadhiga Golaha ee ku aadan maalinta Arbacada si Baarlamaanka uu u guda galo ajandayaasha horyaala.
Ma ahan markii ugu horeysay ee kulamada Golaha shacabka Baarlamaanka Federaalka Soomaaliya u baaqdaan kooram la’aan darteed, waxaana marar badan arintaani si adag uga hadlay guddoonka sare ee Golaha Shacabka.
