Dagaalka iyo duqeynta Xalay dhacday ayaa aheyd mid daba socotay dagaalo qarar oo Shalay dhowr jeer la isku noqday oo dhexmaray ciidanka dowladda oo kaashanaya kuwa dadka deegaanka iyo kooxda Al-shabaab.
Duqeynta ayaa la sheegay iney gaareysay ilaa 8 salbo oo jugteeda si weyn looga maqlaayay deegaanada hoostaga magaalooyinka Buula burte iyo Halgan.
Duqeynta ayaa waxaa sidoo kale Xalay barbar socday dagaal aad u culus, kadib kooxda Al-shabaab ay weerar rogaal celis ah kusoo qaaday deegaanadii Shalay dagaalka looga saaray.
Ma jiro war rasmi ah oo kasoo baxay dhanka dowladda Fedaraalka oo ku aadan khasaraaha ka dhashay dagaalada iyo duqeymaha, mana jirto warar madax banaan oo xaqiijinaya khasaaraha ka dhashay dagaalka iyo duqeynta is barbar socday ee Xalay ka dhacay deegaanada Beera yabaal iyo Jiciboow, maadaama isgaarsiinta hawada ka maqan tahay.
Lasoco wixii kusoo kordha wararkan.
