Maxamuud Sayid Aadan ayaa shaaca ka qaaday in Jubbaland ay gogosha nabadeed ay dhigtay Degmada Doolow oo ay odayaasha iyo waxgaradka ay ku wada hadli doonaan sidii xal waara looga gaari lahaa dagaalkii 3 da Beel ku dhexmaray Degmada Luuq.
Waxa uu Madaxweyne kuxigeenka 1aad Maxamuud Sayid Aadan uu sheegay in Jubbaland ay bixin doonto kharashaadka ku baxaya gogoshaan nabadeed inta la fadhiyo waxaana uu ku baaqay in laga waantoobo dagaalada qabaailka ku salaysan.
“Cidii Shirkaan nabadeed wixii kasoo baxa jabisa iyada ayaan kula xisaabtami doonaa, waxay Jubbaland diyaar u tahay inay fududeeyso wax walba oo kharashaad ah ee ku baxaya gogoshaan nabadeed” ayuu ku yiri Shir jaraaid uu qabtay Maxamuud Sayid Aadan.
Ugu dambeeyn waxa uu dadka degaanada Gobolka Gedo gaar ahaan Luuq ugu baaqay in nabadda lawada qaato ayna muhiim u tahay arrimaha nabad galyada iyo xisiloonida guud ahaan Gobolka.
