Wafdiga uu hoggaaminaayo Wasiirka Gaashaandhiga ee maanta gaaray deegaanka Xaaji Cali ayaa waxaa ka mid ah Duqa Muqdisho ahna gudoomiyaha gobolka Banaadir Xasan Maxamuud Xuseen Muungaab, Taliyaha ciidanka xoogga dalka Sareeye guuto Sahal Cabdullaahi Cumar, Xildhibaan Cismaan Maxamed Xaadoole iyo Masuuliyiin kale.
Ujeedka wafdigaan uu hoggaaminaayo Wasiir Fiqi ay u tageen deegaanka Xaaji Cali ayaa la xariirta dardar galinta dagaalka ka dhanka Maleeshiyaadka Al-shabaab ee ka socda deegaanada gobolka Shabeellaha Dhexe.
Wasiirka Gaashaandhiga Soomaaliya ayaa ciidamada dowladda iyo kuwa deegaanka ku bogaadiyey guulaha ay ka gaareen dagaalka ay kula jiraan kooxda Al-shabaab, isagoona faray saraakiisha ciidamada iney u diyaar garoobaan duulaan cusub oo ka bilaabanaya guud ahaan dalka.
Booqashada wafdigaan sare ay maanta ku tageen furimaha hore ee dagaalka ayaa kusoo aadeysa, iyadoo dhawaan Wasaaradda Gaashaandhigga ay shaacisay in dowladda ay u diyaar garoowday howlgal cusub oo dalka looga xureynaayo Al-shabaab.
