Howlgalkaan oo ay si wadajir ah u fuliyeen cutubyo ka tirsan Ururka 64-aad guutada 7-aad ee qeybta 12-ka April oo kaashanaayay ciidanka Booliiska degmada Wanlaweyn ayaa si gaar ah uga dhacay inta u dhaxeysa deegaanada Leego iyo Yaaqbari weyne.
Saraakiisha hoggaamineysay howlgalkan ayaa warbaahinta u sheegay in ujeedka howlgalka uu ahaa ka hortaga dhaqdhaqaaqyada kooxda Al-shabaab iyo xaqiijinta amniga guud ee Wanlaweyn.
Saraakiishu maysan sheegin wax khasaare ah oo ka dhashay howlgalka ay ku burburiyeen Saldhigyada maleeshiyaadka Al-shabaab ku lahayeen inta u dhaxeysa Leego iyo Yaaqbari weyne ee gobolka Shabeellaha Hoose.
Gobolka Shabeellaha Hoose waxuu ka mid yahay gobolada ay sida xoogan uga socdaan howlgalada ka dhanka kooxda Al-shabaab, waxaana howlgalkaan uu kusoo aadaya, iyadoo habeen hore kooxdu weerar culus ka geysatay deegaanka Ceelasha Biyaha ee duuleedka magaalada Muqdisho.
