Isniin,
Ra’iisal Wasaare Geeddi ayaa Dalka Jabuuti waxaa uu u tegay sidii uu kulan ula qaadan lahaa Ganacsade Abuukar Cumar Caddaan oo si weyn u taageeri jiray Maxkamadihii Islaamka, kaasi oo ay Ra’iisal Wasaaraha isku heyb yihiin.
Kulanka Ra’iisal Wasaare Geedi iyo Ganacsade Abuukar Cumar Caddaan ku dhexmaray Dalka Jabuuti oo ay ka qeybgaleen ganacsadayaal kale oo ay ka mid ahaayeen C/qaadir Eenow iyo Bashiir Raage ayaa waxaa la sheegay in uu ku soo dhamaaday jawi is-af-garad leh.
Dhanka kalena, Warar aynu ka helnay ilo lagu kalsoonaan karo ayaa waxay sheegayaan in Ra’iisal Wasaare Geeddi uu Muqdisho la yimid Ganacsade Maxamuud Cumar Caddaan oo qudhiisa Maxkamadihii Islaamka si weyn u taageeri jiray, iyadoo taasina uu marag muujin u yahay is-af-garadka dhexmaray labada dhinac.
Ugu dambeyntiina, Ganacsade Abuukar Cumar Caddaan oo bilowgii sanadkan laga qabtay Xadka u dhaxeeya Kenya iyo Soomaaliya xili uu ka sii cararayay Dagaalladii xukunka looga tuuray Maxkamadihii Islaamka, kaasi oo ay si weyn uga qeyb-qaateen Diyaaradaha Mareykanka iyo Taangiyada Itoobiya, inkastoo markii dambe Maxkamad Kenya ku taala ay sii deysay kagadaal markii lagu waayay dembi lagu soo eedeeyay oo ahaa in uu sharci darro ku galay Dalka Kenya.
Salaad Iidow Xasan (Xiis), Hiiraan Online
