Khamiis, May 24, 2007(HOL): Waxaa dalka Soomaliya ku soo batey caruur agooman ah isla markaana aan awood u laheen inay helaan waxbarasho. Hoy, iyo Cunto. Markaad indhaha saarto caruurtaasi waxaad wejiyadooda ka dareemeysaa inaysanba heysan wax daryeel ah waxaa ka muuqda diif iyo gaajo.
Hooyadood waa miskiin oo waxay la tiiceysaa raadinta halkii waqti ee nolol ah. Runtii waa wax laga murugoodo jiil dhan oo soo koraayo ee aan laheen wax aqoon ah, Somalida oo ah dad 100% muslim ah hadana waxaa fool xuma ah in caruur aan waxba ka aqoonin diinta islaamka inay sidaa ku qaangaaraan.
Iyadoo ay intaas iyo in ka badan oo mushkilado ay heystaan ubadka agoonta ee aabayaalkooda ku dhintey dagaalada amaba siyaabo kale oo markoodii horaba ku noolaa nolol tiiceysay ayaa hadana agoonnimo la soo derestey.
Intaa ka dib Somali women and Children Rescue Organazion (SWACRO) oo ah urur wadani ah isla marakaana ka howlagasha dalka Soomaliya ayaa u suuragashay inay soo bayaamiso dhibaatada caruurtaas oo idil.
SWACRO intaa ka dib iyadoo gacan dhaqaalo ka heshay jaaliyadaha ku nool dalka Swedan gaar ahaan Gothenburg oo ay soo wakiisheen wakiilka SWACRO ee Swedan C/fitaax Muxayadiin ayay u noqotey inay maanta ka furto degmada Afgooye dusgi agoomanka lagu baraayo aayadaha quraanka iyo tarbiyada islaamka.
Furitaanka dugsiga waxaa goobjoog ka ahaa xubnaha SWACRO ee ku sugan Muqdisho kuwaasoo door muhiim ah ka qaatey sidii ay caruurta ugu qebin lahaayeen qalabkii ay wax ku baran lahaayeen.
Sidoo kale waxaa xaflada furitaanka hadalo wax tar leh ka tiri Gudoomiyaha SWACRO Tirik Cilmi Axmed oo ku sugneyd dalka Mareykanka ayadoo qadka isgaarsiinta kala qeyb qaadatey xaflada muhiimada gaarka ah mudan isla markaana shaqo la qabtey midii ugu mudneyd ah waxay sidoo kale Gudoomiyaha balanqaatey in la balaarin doono wax barida caruurta nasiib darida ku dhacdey ayna mar walbo u taagan tahay wax u qabadkooda SWACRO.
SWACRO waxay dugsiyo agoonta looga faa’iideynaayo ka kala furtey Hargeysa, Muqdisho iyo Afgooye oo ka tirsan G/shabeelaha hoose. Hadaba ururku waa urur wadani ah isla markaana ku tiirsan walaalaha wanaaga iyo wax tarka leh waxay si gaar ah SWACRO u codsaneysaa dhamaan Somaalida ku kala nool dalka iyo dibadaba in ay u soo gargaaraan ubadkeena Soomaliyeed ee cidlada ku dan dareysan.
Kaalmooyinkaaga fadlan ku hagaaji
Yaasmiin Mayow Maxamed
Tel:-00252-1-55590407
