Axad,
Kooxdan Burcad Badeedka Soomaalida ah ayaa waxay dhawaan ku af-duubteen Xeebaha Soomaaliya Markab laga leeyahay Dalka
Markabkan oo ka shiraacday Deked ku taala Magaalada
“shalay ayaa nagula soo wargeliyay in Kooxda heysta Markabka Danica White ay dooneyso lacag madax-furasho ah oo dhan 1.5 Milyan”sidaasi waxaa yiri Andrew Mwangura oo Agaasime ka ah Hay’ad Badaha qaabilsan oo laga leeyahay Dalka
Andrew Mwangura waxaa uu sheegay in xeebaha Soomaaliya lagu heysto seddex Markab oo labo mid ah laga leeyahay Dalka Koofur Kuuriya, halka mid kalena laga leeyahay Dalka Taiwan, iyadoo warar dhawaan soo baxayna ay sheegayeen in Markab ka diiwaangashan dalka Panama la waayay xili uu marayay Xeebaha Soomaaliya.
Kooxaha Burcad Badeedka ah ee Maraakiibta iyo Doomaha qafaasha ayaa laga nastay sanadkii 2006 xiligaasi oo Deegaano dhowr ah oo ku yaala Koofurta iyo Bartamaha Soomaaliya ka talinayeen Maxkamadihii Islaamka, iyadoo xitaa la xusuusto in Ciidamo ka amar qaata Maxkamadihii Islaamka ay gacanta ku soo dhigeen kooxo burcad Badeed ah oo Maraakiibta iyo Doomaha ku qafaalan jiray Xeebaha Xarar-dheere ee gobolka Mudug.
Hay’adda WFP iyo Hay’adda Badaha Caalamka ee IMO oo labaduba hoos-taga Qaramada Midoobay ayaa dhawaan waxay ka codsadeen Golaha Ammaanka ee Qaramada Midoobay in tallaabo laga qaado Kooxaha Burcad Badeedka ah ee ka dilaacay Xeebaha Soomaaliya, iyadoo Hay’adda WFP ay sheegtay in raashin ay gaarsiin lahayd dad badan oo gudaha Soomaaliya ku macluulsan ay caqabad ku yihiin kooxahaas Burcad Badeedka oo dhowr jeer weeraray Maraakiib raashin siday oo u kireysnaa.
Salaad Iidow Xasan (Xiis), Hiiraan Online
