Arbaco,
Arinta oo siweyn su’aalo iyo muran uga dhax dhalisay gudaha maamulka heer gobal iyo degmo ayaa durbadiiba waxaa jawaab ka bixiyay gudoomiyaha maamulka degmada Axmed Gobay cawaale oo sheegay in uu san war u heyn talaabada uu qaaday gudoomiye ku xigeenka maamulka gobalka, waxaana uu intaa raaciyay in wax sharci daro ah ay tahay in uu iskii uu maamul isaga dhawaaqo gudoomiye ku xigeenka gobalka, waayo ayuu yiri xaqba uma laha magacaabista ceenkaa oo kala ah.
waxaana uu intaa ku daray in hadiiba la balaarinayo maamulka heer gobal iyo degmo taa ay ka go’do oo kaliye dowlada federaalka oo markii horeba soo magacaawday ayuu yiri maamulka hada jira, “Anigu ma diidayo in xubno cusub lagu soo biiro degmada lakiin way adag tahay in la qaato wax aan sharciga waafaqsaneyn” ayuu yiri Axmed Gobay oo ka jawaabayay su’aal ay weydiisay HOL oo aheyd in uusan raali ka aheyn xubno cusub oo maamulkiisa lagu soo biiriyo .
sidoo kale gudoomiye ku xigeen maamulka gobalka Hiiraan ayaa sheegay in magacaabista uu sameeyay ay tahay mid uu kala tashaday maamulka qeybihiisa kale xitaa waxaa uu intaa ku daray in loo gudbiyay dhinaca magaalada Baydhabo si markaa dowladu u ansixiso walow hadana sheegashada gudoomiye ku xigeenka maamulka gobalka aysan wax war ah ka soo saarin mas’uuliyiinta kale hadii ay ahaan la haayeen heer gobal iyo degmo.
dhanka kale wararka ka soo baxaya dhinaca degmada Matabaan ee gobalka hiiraan ayaa sheegaya in Qaarax ka dhacay degmada ay ku geeriyoodeen 3 caruur ah, Qaraxan oo ilaa hada aan la xiqiijin sababta uu ka dhashay ayaa sida wararka qaar ay sheegayaan loo maleynayaa in uu ahaa mid ka dhashay Bam caruurtu ay ku cayaarayeen.
caruurta ayaa mid ka mid ah waxaa uu ku geeriyooday isla goobta Qaraxu ka dhacay halka labada kalana ay ku geeriyoodeen Isbitaalka degmada Guri ceel, 16 sano ee la soo dhaafay ayaa dagaaladii ka dhacay dalka waxaa ay sababeen in wali deegano ka mid ah dhulka soomaalida ay daadsan yihiin wax yaabaha Qarxa oo taasoo dhibaato ku ah dadka ay duunyada ku dhaqan goobaha wali Qaraxyadu ku harsan yihiin haba ugu sii darnaadaan miinooyinka dhulka hoostooda ku aasan.
C/raxmaan Diini, Hiiraan Online
