Talaado,
Danjire Fall oo ergooyinka shirka la hadlayay ayaa yiri: “Qarammada Midoobay waxay shirka Qaran ka taageeraysaa dhinacyada dhaqaalaha iyo siyaasadda, waxayna soo dhaweynaysaa qaabka uu ku socdo shirka”.
Mar uu ka hadlay sida ay Qaramada Midoobay u doonayso in shirka ay kasoo qaybgalaan dhinacyada ka maqan ayuu yiri: “Waxaa xiriirro kala duwan oo aan la soo sameynay Cali Mahdi uga codsannay inuu u ogolaado xubnaha shirka ka maqan inay ka soo qabgalaan, wuuna naga ogolaaday”.
Wakiilka Xoghayaha guud ee Qarammada Midoobay wuxuu carrabka ku adkeeyay in xubnaha shirka ka qaybqaadanaya looga baahan yahay inay ka shaqeeyaan nabadda iyo horumarka shacabka Soomaaliyeed, isagoo sheegay inay ku faraxsan yihiin qaabka uu shirka ku socdo.
Wafdiga la socday Dajire Fall oo ay ka mid ahaayeen xubno ka socday Midowga Yurub iyo safaaradaha
Danjire Fall oo intii uu hadlaayey ay khudbadiisu ay hareyneysey sacab iyo heeso qiiro leh oo ay qaadayeen qaar ka mid ah fanaaniinta Soomaaliyeed ayaa ugu dambeyntii hoosta ka xariiqay inuu ergooyinka Shirweynaha Qaran xusuusinaayo in shirkaani yahay mid naadir ama dhif ah oo noociisa oo kale ah oo Soomaaliya lagu qabto, sidaasi daraadeedna shirweynaha mas’uuliyad gaar ah dusha ka saarayo ka qeybgalayaasha shirka, isla markaana looga baahan yahay in ay la yimaadaan is xilqaan ay uga miro dhaliyaan socoshadda shirweynaha iyagoo ka fogaanaya inay dayacaan fursadan hor taalla.
Khudbadaasi Fall ayaa waxaa si aad ah ugu guuxey, isla markaana si weyn u soo dhaweeeyey ergooyinka Beelaha Soomaaliyeed, iyagoo sacab iyo sawaxan ku muujiyay sida ay raaliga uga yihiin booqashadda wafdigaasi iyo khudbadaasi uu Fall ka jeediyey madasha Shirka Dib u heshiisiinta Soomaaliyeed.
Maxkamadaha Islaamka iyo xubnaha la baxay baarlamaanka xorta ah ee ku sugan Magaalada
Salaad Iidow Xasan (Xiis), Hiiraan Online
