Arbaco,
Madaxwaynaha ayaa warfidiyeenada ugu sheegay xarunta Madaxtoooyada in arinta ugu weyn ee Boosaaso keentay ay tahay Arrimaha ammaanka oo uu sheegay in uu aad u saluugsan yahay sidii uu ahaa beryihii dambe ammaanka Boosaaso gaar ahaana dilalkii loo gaystay Saraakiil dhanka amaanka qaabilsanaa, gaar ahaana dhinaca Sirdoonka.
Madaxwaynaha ayaa muddo bilooyin ah ku sugnaa magaalada Caasimada ah ee Garowe isagoo sidoo kale booqday Caasimada Soomaaliya ee Muqdisho, waana markii ugu horaysay ee uu Boosaaso soo gaaro tan iyo Socdaalkiisii Muqdisho.
Mar sii horaysay ayay ahayd markii ay Xubnaha baarlamaanka Puntland ku eedeeyeen Xukuumadda Cadde Muuse in ay ka guurtay Caasimadda Garowe oo ay howlihii dowladda u leexiyeen magaalada Boosaaso oo ah Halbowlaha dhaqaalaha Puntalnd, waxaana hadda muuqata in Golaha Xukuumada uu ka jawaabay eedeyntii Baarlamaanka marka la eego mudada bilooyinka dhan ee uu madaxwaynuhu ka maqnaa Boosaaso .
Intii aanu soo gaarin Boosaaso wuxuu ku hakaday madaxwaynuhu Degmada Carmo oo ay ku taalo xarun wayn oo lagu tababaro ciidanka Booliska Soomaaliyeed oo ay xiligan ku xaraysan yihiin ku dhowaad 600 oo Askar ah oo loo tababarayo DFKMG .
Ugu dambeyntiina, Madaxwaynaha Puntland ayaa laga yaabaa in uu dalka dibadiisa u aado arrimo la xiriira xaaladdiisa caafimaad isagoo dhowaan ka sheegay magaalada Garowe in uu labo bilood kadib dhacay Tijaabadii lagu samayn iray caafimaadkiisa
Maxamed Axmed (Ilka-case)
