Arbaco,
Guddoomiyaha Baarlamaanka Sheekh Aadan Maxamed Nuur (Sheekh Aadan Madoobe) oo xalay gaaray Baydhabo ayaa wuxuu ka mid ahaa xubnihii ka qaybgalay kulankaas, isagoo halkaas ka soo jeediyay hadal dheer oo ku saabsan waxqabadka baarlamaanka intii uu ahaa guddoomiyaha baarlamaanka oo gaareysa muddo 8-bilood oo qur ah.
Xafladda loo dhigay baarlamaanka ayaa waxaa ku soo bandhigay Majaajilooyin iyo heeso ka turjumaya waxqabadka baarlamaanka intii uu jiray fannaaniin ka tirsan laba koox faneed ee ka jirta Degmada Baydhabo ee Gobolka Bay, waxaana si weyn ugu riyaaqay heesaha iyo majaajillooyinka Xildhibaannadii ka qayb-galay xafladda lagu maamuusayay sannadguuradii 3-aad ee aasaaskii Baarlamaanka.
Baarlamaanka Federaalka Soomaaliya ayaa waxaa lagu aas-aasay 22-August-2004 Magaalada Nairobi ee dalka Kenya, waxaana Baarlamaanka uu deggan yahay muddo labo sano iyo bar ah Magaalada Baydhabo ee Gobolka Bay, kaddib markii ay ka soo laabteen Xildhibaannada Baarlamaanka khilaaf ay ku kala joogeen Muqdisho iyo Jowhar.
Xildhibaanno uu ka mid yahay Maxamed Qanyare Afrax ayaa waxay ka hadleen xafladdii maanta, iyagoo sheegay in loo baahan yahay in Baarlamaanka uu howlihiisa dib boorka uga jafo si uu ugu guulaysto inuu wax badan ka qabto xaaladda dalka uu marayo, isagoo sheegay in Baarlamaanka uu yahay
Ugu yaraan 43 Xildhibaan oo uu ka mid yahay guddoomiyihii hore ee Baarlamaanka Shariif Xasan Sheehk Aadan ayaa xilalkoodii ku waayay intii uu baarlamaanka jiray, iyadoo baarlamaanka uu yeeshay seddexda sano ee uu jiray laba guddoomiye oo kala ah; Shariif Xasan Shiikh Aadan oo xilka laga qaaday iyo guddoomiyaha hadda xilka haya Sheekh Aadan Maxamed Nuur (Sh. Aadan Madoobe).
Salaad Iidow Xasan (Xiis), Hiiraan Online
