Axad,
Wafdigan oo uu hoggaaminayo Madaxweyne C/llaahi Yuusuf Axmed ayaa wuxuu Sacuudiga ku tegay martiqaad uu u fidiyay Boqorka Dalkaas Boqor Cabdalla Bin Cabdul Casiis, kaasi oo si weyn isha ugu haya Xaaladda Dalka Soomaaliya iyo dhibaatooyinka ka jira.
Wafdiga Madaxweynaha ayaa sidoo kale la sheegay in ay qeyb ka yihiin Qaar ka mid ah Ergooyinkii ka qeybgalay Shirka Dib u heshiisiinta Soomaaliyeed, kuwaasi oo tiradooda gaareyso 300 oo Ergay. Ergooyinkan ayaa waxaa iska soo dhex xulay Ergooyinkii Shirka Dib u heshiisiinta ka qeybgalay, waxaana sababta loo geynayo Sacuudiga lagu sheegay in ay la xiriirto in ay Xaramka ku soo ballanqaadaan in ay fulin doonaan heshiisyadii ay ku saxiixeen Shirka Dib u heshiisiinta Soomaaliyeed, isla markaan ay is-cafiyaan.
Dhanka kalena, warar aynu ka helnay ilo lagu kalsoonaan karo ayaa waxay sheegayaan in Boqorka Sacuudiga Boqor Cabdalla Bin C/Casiis uu dadaal weyn ugu jiro sidii uu u dhexdhexaadin lahaa dhinacyada isku haya Soomaaliya oo kala ah Dowladda Federaalka Soomaaliya iyo Mucaaradka ka soo horjeeda oo haatan sameystay Isbaheysi ay ku mideysan yihiin oo lagu magacaabo Isbaheysiga Dib-u- xoreynta iyo Dib-u-soo nooleynta Soomaaliya.
Salaad Iidow Xasan (Xiis), Hiiraan Online
