Jimco,
Madaxweynaha Puntland ayaa magacaabista taliyaha cusub u cuskaday AWooddiisa ah in uu u magacaabo qofkii ka soo bixi kara howsha Taliska Booliska, iyo sidoo kale isagoo dib u eegis ku sameeyay dastuurka DGPL, gaar ahaan Barnaamijka dib u habaynta iyo Tayaynta Awoodda waxqabad ee Ciidanka booliiska Puntland, Duruufaha Siyaasadeed iyo Amni ee Puntland iyo waayo-aragnimada uu Gaashaanle sare Cabdicasiis Siciid Gacamey uu u leeyahay hawlaha Ciidanka.
G/lle Sare C/casiis Siciid Gacamay ayaa horay loo Dalacsiiyay dhowr jeer iyadoo ay ugu danbaysay u magacaabiddii loo magacaabay G/lle sare halka uu markii hore ka ahaa G/lle Dhexe.
Magacaabista Mr. Gacamay ayaa waxay ku soo beegmeysaa xili Amaanka Deegaanada Puntland su’aalo la iska weydiinayo gaar ahaan Magaalada Xarunta dhaqaalaha ah ee Boosaaso oo labadii bilood ee la soo dhaafay dilal loogu kala gaystay labo sarkaal oo ka tirsan Ciidamada Nabad-Sugida Puntland.
Maxamed Axmed Maxamed (ilka-ase)
Bosaso
