Laba qofood oo ku dhintay madfac ay ciidamada Itoobiya ku rideen xaafadda Filtare ee magaalada Beled Weyne

Beled Weyne, Somalia

Isniin, July .30 (HOL) – Madfac ay soo tuureen ciidamada Itoobiya ee deggen duleedka magaalada Beled Weyne ayaa la sheegayaa in uu ku soo dhacay Xaafadda Filare halkaas uu ku dilay gabar iyo aabeheed, laba qof oo kalana ku dhawaacay.

Weerarkan ciidamada Itoobiya ayaa salka ku haya weerara xalay lagu qaaday fariisanka ciidamada Itoobiya ee magaalada Beled Weyne.

Xiisadan dagaal oo wali taagan ayaa ka bilaabatay laba ruux oo shalay ciidamada Itoobiya loo gacangaliyey ayaga oo lagu eedeeyey in weerareen booyad biyaha u qaadda ciidmada Itoobiya. Waxay wararku intaa ku darayaan in jifadii ay labad nin ka soo jeedeen ay 24 saac u qabteen soo deynta labadaas nin oo ay jefadoodu sheegeen in aysan wax shaqo ah ku laheyn wareerkaas dhacay.

Magaalada Beled Beleweyn ayaa waqtigan xaadirka kala xirxiran  oo ay xiisad colaadeed ka taagantahay wixii warar ah ee ku soo kordhana dib ayaan idiinku soo sheegidoonaa

C/raxmaan Diini, Hiiraan Online
diini@hiiraan.com
Beledweyn, Somalia