Khamiis, 21, Jun, 2007 (HOL) Qarax oo dhamaan laga maqlay xaafadaha magaaladu Beled Weyne oo ahaa mid noociisa aan horay looga maqal tan iyo wixii ka danbeeyay markii ay la wareegeen Maamulka Gobalka Ciidamada Dowlada Federaalka iyo kuwa Itoobiya ayaa ka dhacay xaafadda H/Wadaag .
Goob aan ka fogeyn halka ay ku taalo xarunta Shirkada Isgaasiinta ee Hormuud oo uu qaraxu ka dhacay ayaa goob joogayaal ku suganaa waxaa ay HOL u sheegeen in uu ka dhashay qarax Bam kuwa gacanta laga Tuuro, lakiin dadka aqoonta u leh wax yaabaha qarxa ayaa sheegay in Bam ku ahaa mid ka duwan kuwa gacanta laga Tuuro,Ilaa hadana lama oga sababta qaxa oo sababay dhaawaca 3 Ruux oo rayid ah.
Taliyaha Saldhiga Booliska ee Magaalada B/weyn Col. Xuseen Shugri Axmed oo qarax HOL u waramay ayaa ku tilmaamay in uu ahaa qaraxaasi mid qeyb ka ah sida uu hadalka u dhgay falal ay wadaan dad doonaya in ay amaanka qal qal galiyaan,
Xaafaha Howl-wadaag oo ah halka uu qaraxu ka dhacay caawa ayaa markiiba waxaa ay dadku xireen goobahooda ganacsi, halka qeybaha kale ee magaalada siweyn loo hadal hayo arinta ku daabsan qarax dhacay.
Dhawaan ayeey aheyd markii Ciidamada Dowlada Federaalku ku guuleysteen in ay soo saaraan Miino la galiyay goob aan ka fogeyn garoonka diyaaradaha ee Magaalada B/weyn, halka dhanka kale kooxo aan la garan dhawaan ay Bam ku weerareen gudaha Magaalada gadiid ay la socdeen Ciidamada Itoobiya oo markii danbe rasaas ay fureen sababtay dhimashada 4 Ruux oo rayid ah.
C/raxmaan Diini, Hiiraan Online
E-mail: diini@hiiraan.com
