Isniin, January 01, 2007(HOL): Hadal heynta ugu weyn maalmihii aynu soo dhaafnay Gobalka Hiiraan waxaa ay aheyd sida laga yeelayo Xijaabka iyo Waliba Indho Shareerka, Kadib markii ciidamada Itoobiyaanku sheegeen in ay si weyn uga baqo qabaan Xirashada xijaabka Iyaga oo qiil uga dhigaya suurta galnimada in dad wajigooda qariyay Qaraxyo geeystaan.
Arrintan oo muran weyn iyo dood ka dhax dhalisay haweenka Qaata Xijaabka ayaa markii danbe Abuurtay in wax badan laga sheego joogitaanka Ciidamada Itoobiya iyo waliba Qatarta dhinaca Diinta ah ee ka imana karta.
Hadal heynta arinta Xijaabka oo meesheedii ugu sareysay gaartay ayaa sidoo kale waxaa ay sababtay in ay soo faro galiyaan Mas’uuliyiinta Maamulka Degmada, Iyo waliba kuwa Maxkamada Gobalka oo arintaa ka hadlay.
Gudoomiyaha Maxkamadda sare ee Gobalka Hiiraan Shiikh Xuseen Barre Raage oo ay HOL wax ka weydiisay Arimaha la xiriira Xijaabka iyo waliba Cabashada ay muujinayaan Hawaanka qaata ayaa sheegay in Xijaabku yahay wax Ilaah faray in Haweeynku Qaataan islamarkaana aysan jirin cid is hortaagi karta, Laakiin waxaa uu sheegay in wax micno ay san leheyn in Amaankana la dhowro lagana Tigtoonaado dadka laga yaabo in Qarxyada geystaan,
Mar ay HOL weydiisay taas macnaheedu ma waxaa weeye ciidamada Itoobiya waa ay u madax banaan yihiin in ay mamnuucaan Idho Shareerka ayuu yiri Gudoomiyuhu “maya Laakiin marka howlo milatari lagu guda jiro wax yaabo badan ayaa iska dhici kara ayuu sii raaciyay Shiikh Xuseen Barre
Ciidamada Itoobiya oo xiliyada Qaar la arko iyaga oo iska dhax socda Gudaha magaalada ayaa la
Waxaana xusid mudan in 25 bishan markii ay gudaha u soo galeen ciidamada Ciidamada Itoobiyaanku Gudaha magaalada B/weyn in ay amar ku bixiyeen in aan la ariki karin Ruux waji xiran, sababo ay ku macneyeen in ay u sameynayaan dhinac nabad-galyada lakiin dadka qaarkii sayaabo kale u arkay, Balse marka aad arinka dhan ka eegto ayaa waxaa la oran karaa waa ay dhici kartaa tuhunka ay qabaan ciidamada oo ah Ruux wax qarxinaya in uu soo xirta Xijaab iyo wax la mid ah.
C/axmaan Diini, Hiiraan Online
