Khamiis,
Shiikh C/qaadir Soomow oo u hadlay Culumaa’udiinkaas ayaa sheegay in ay isla garteen in ay Dowladda Federaalka Soomaaliyeed ugu baaqaan in ay soo dhaweyso dadkii ka soo horjeeday oo qaarkood ay dhici karto in ay Muqdisho ku hareen.
Shiikh C/qaadir Soomow wuxuu sheegay in Dowladda Federaalka looga baahan yahay in ay dulqaad muujiso, isla markaana ay u dhaqanto sidii Nelson Mandella oo kale oo markii uu xukunka la wareegay aan isagu ka aar-goosan askartii iyo madaxdii xabsiga dhigay ee weliba ciqaabay.
Waxaa iska soo daba dhacaya baaqyo loo jeedinayo Dowladda Federaalka Soomaaliyeed oo ku aadan in ay Dowladda wax ka qabato marxaladda cusub ee ay gashay Magaalada Muqdisho oo ay gacanta ku hayeen Maxkamadihii Islaamka, waxaana baaqyadaas jeediyay mas’uuliyiin ay ka mid yihiin Xuseen Xaaji Bood, Jen. Maxamed Nuur Galaal, C/llaahi Maxamed Shirwac, Macallin Nuur Maxamed Siyaad, Maxamuud Cali Ugaas, Madiino Maxamuud Cilmi (Madiino Janaraal), Sahra Cumar Maalin iyo xubno kale, waxayna xubnahan dhamaantood ka dalbanayaan Dowladda Federaalka in aysan beylihin nabaddii ay dadku heleen mudadii ay Maxkamadaha Islaamka xukunka heysteen.
Salaad Iidow Xasan (Xiis), Hiiraan Online
