Axad,
Qaar ka mid ah dadkaasi ayaa la sii daayay kadib markii laga qaaday lacag ganaax ah oo gaaraysa laba boqol oo kun oo Shilin Soomaaali ah, sidoo kalena lagu dhuftay labaatan karbaash oo tacsiir ah sida uu u sheegay HOL taliyaha ciidanka booliska ee degmada Jilib Cabaas Cumar Cabdi oo sheegay in ay wali xabsiga ku harsan yihiin ilaa iyo shan qof oo dakaasi ka mid ah kuwaasi oo aan bixin lacagtii ganaaxa ahayd.
Degmada Jilib oo ahayd meeshii ugu horeysay ee gobollada Jubbooyinka oo ay golaha Maxaakiimta Islaamiga gacanta ku dhigaan ayaa waxa ay ka mid tahay meelaha ay sida rasmiga ah uga dhaqangaleen awaamiirta ciidamada maxaakiimta islaamigu waxayna degmada Jilib ka mid ahayd meelaha lagu beero Tubaakada, walow haatan aan la arkeynin meel ay ku beeran tahay Tubaako ama waxyaabo kale oo maanka dooriya.
Dhanka kale Cabbaas waxa uu waxba kama jiraan ku tilmaamay warar laysla dhex marayo oo sheegaya in agagaarka degmada Jilib dad dhac loogu geystay isagoo sheegay in aaney wararkaasi waxba ka jirin balse uu jiray kaliya nin isku dayay in uu haweeney caag malab ah ka furto, kaasi oo ku hubeysnaa Toorey, hayeeshee ninkaas la aqoonsaday, dhawaana sharciga la hor keeni doono.
Xasan Xareed Axmed
