Ujeeddada socdaalka taliyaha ayaa ahayd in uu qiimeeyo xaaladda guud ee hawlgallada, dhiirrigeliyo ciidamada, iyo in uu muujiyo taageerada joogtada ah ee ay Dowladda Burundi u hayso waajibaadka nabad ilaalinta ee ay ciidamada BNDF ka wadaan gudaha Soomaaliya.
Intii uu socdaalku socday, G/Sare Hatungimana wuxuu kulammo kala duwan la yeeshay saraakiisha iyo askarta saldhigyada, isagoo ammaanay dadaalka, adkeysiga iyo xirfadda ay muujiyeen.
Wuxuu carabka ku adkeeyay muhiimadda ay leedahay Feejignaanta joogtada ah si looga hortago khataraha argagixisada Al-Shabaab, Anshaxa iyo xirfadlanimada ciidamada, si ay ugu adeegaan bulshada si hufan oo sumcad leh, U hoggaansanaanta Xeerarka Caalamiga ah ee Aadannimada (IHL) iyo ilaalinta xuquuqda aadanaha, si loo dhowro sharciga caalamiga ah ee ku aaddan xaaladaha dagaal iyo hawlgallada ciidan.
Taliyaha wuxuu sidoo kale ku bogaadiyay ciidamada sida ay uga go’an tahay inay ilaaliyaan nabadda, islamarkaana ay u adeegaan shacabka Soomaaliyeed iyagoo muujinaya ixtiraam iyo masuuliyad.
