Qaraxa ayaa waxaa fuliyay qof naftii halige ah oo ka tirsan kooxda Al-Shabaab, Weerarkan ka dhacay Kulliyadda Jaala Siyaad ayaa waxaa ka dhashay khaasare iskugu jira Dhimasho iyo Dhaawac, walina ma jirto xog rasmi ah oo heerka khasaaraha uu gaarsiisan yahay oo ay Wasaaradda Gaashandhiga warbaahinta la wadaagtay.
Wasaaradda Gaashaandhigga ayaa sheegtay in ciidamada ammaanku ay durba bilaabeen baaritaanno la xiriira dhacdadan, Sidoo kale, waxa ay ballanqaaday in shacabka lala wadaagi doono macluumaadka rasmiga ah marka baaritaannada lasoo gabagabeeyo, haddii Eebbe idmo.
“Ciidamada ammaanka waxay wadaan baaritaanno xooggan. Faahfaahin dheeraad ah waan soo bandhigi doonaa marka xogta la xaqiijiyo,” ayaa lagu yiri warka kasoo baxay Wasaaradda.
Wasaaradda waxay sidoo kale tacsi u dirtay ehelada iyo qoysaska ay waxyeelladu soo gaartay, iyadoo xustay in Dowladda Federaalka ay si buuxda uga go’an tahay la dagaallanka argagixisada iyo ilaalinta amniga shacabka Soomaaliyeed.
