Dagaalka ayaa bilaawday kadib markii ciidanka deegaanka ee Macawiisleeyda weerar dhowr jiho ah ku qaadeen deegaanka Abooreey oo ay ku sugan yihiin maalmahii lasoo dhaafay maleeshiyaad ka tirsan Al-shabaab.
Dagaalka oo ah mid aad u xoogan ayaa lasoo warinaya in labada dhinac ay isku adeegsanayaan hubka noocyadiisa kala duwan oo qaarkood dhawaqooda laga maqlaayo deegaano ka fog fog Abooreey.
Wali si rasmi ah looma oga khasaaraha ka dhashay dagaalka goordhaw dib uga qarxay deegaanka Abooreey, kasoo ah mid daba socda weerar Xalay saqdii dhexe ciidanka deegaanka ku qaadeen Abooreey.
Deegaanka Abooreey waxaa labadii todobaad ee lasoo dhaafay ka dhacay dagaalo qaraar oo ciidanka Macawiisleeyda ku doonayeen in kooxdu kaga saareen deegaanka, hayeshee waxaa la tilmaamay in kooxdu isugu geysay awoodeeda ciidan difaacashada deegaankaan.
Lasoco wixii kusoo kordha warkaan.
