Generaal Ibraahim Sheekh Muxyadiin ayaa shaaca ka qaaday in xilli adag lagu jiro oo aan kala soocneeyn cadowgii iyo ciidankii taa oo keentay in cadowga uu waji waliba ay ugu soo dhuumalaystaan gudaha ciidanka Qaranka Soomaaliya, waxa uu xusay inay ka war sugayaan baaritaanka socda.
Taliyihii hore ee Ciidanka Xooga Dalka Soomaaliya General Ibraahim Sheekh Muxyadiin ayaa carabka ku dhuftay in sarkaalka lagu dilay Gobolka Shabeellaha Hoose uu ahaa mid si weyn ugu kalsoon ciidankiisa, waxaana inay fududaato dilkiisa keenay in askartii uu watay ee uu ku kalsoonaa uu dhinac u saaray si uu ula hadlo askar wax tabanaysay.
Waxa uu sheegay in illaa haddana aanan la garan karin hadii askariga dilka geeystay uu ciidanka kamid ahaa ama uu ahaa cadow kusoo dhuumalaystay ciidanka Xooga dalka Soomaaliya.
Taliyihii hore ee CXD General Ibraahim Sheekh Muxyadiin ayaa ku sifeeyay Taliyihii Ciidanka 14ka October Nuur Gaabow uu ahaa nin geesi ah, guutadii uu hogaaminayay ay ahaayeen kuwa illaalada xoogan ka haayay ammaanka guud ee Shabeellaha Hoose iyo Magaalada Caasimadda ah ee Muqdisho.
