Dhame Shukri Faarax Ducaale oo ka tirsan Taliska Ciidanka Booliska Jubaland ayaa warbaahinta u faahfaahiyay dhacdadaan ka dhacday Farjano oo lagu dilay marxuum Cabdullaahi Cabdiraxmaan Abuukar oo Xaaskiisi hore ay gacanteedi ku dishay sida ay xaqiijiyeen Booliska dambi baarista Jubaland, waxaana uu xusay inay tageen goobta dhibtu ay ka dhacday ayna goobta ugu tageen marxuumka geeriyooday.
Suntaan ayay Booliska sheegeen in cabitaanka furulaatada loo yaqaano loogu daray Marxuum Cabdullaahi, waxaana gacanta lagu dhigay Sahra Xuseen Maxamed oo Lix canug u dhashay Marxuumka.
Taliska waxa ay sheegeen in waxba kama jiraan ay tahay sida wararka Bulshada lagu baahiyay ee ah in Sahra iyo Cabdullaahi ay isqabeen balse hadda uun ay damacsanaayeen inay isku laabtaan, Waxaana ay tilmaameen inay maxkamadda hor keeni doonaan dhowaan.
24kii saac ee lasoo dhaafay ayay Arintaan hadal heyn badan ka dhex dhalisay Bulshada ku dhaqan Kismaayo iyo dadka adeegsada aaladaha Baraha Bulshada.
